"ಮೋಹನ -ರಾಗ"

"ಮೋಹನ -ರಾಗ"

ಅದೆಂಥಹಾ ನಿನ್ನ ಕಳೆ,

ಎಬ್ಬಿಸಿರುವೆ ಮನದಲಿ  ಕಚಗುಳಿಯ ಅಲೆ ,

ಕಳೆದು ಹೋದೆ ನಾ ನಿನ್ನಲೇ . . . 

ಬಾಳ ಬೃಂದಾವನದ ಮೋಹನನು ನೀನು ,

ನೀ ನುಡಿಸಿದಂತೆ  ನುಡಿಯುವ ಕೊಳಲು ನಾನು . . .

ಹತ್ತಿರ ಬರಸೆಳೆದ ಮೋಹ ಮಾಯೆಯು  ನೀನು 

ಒಲವ ಹೂಬನದಲಿ ಸುಗಂಧರಾಜನು  ನೀನು  

ಸ್ನೇಹದ ಪಲ್ಲವಿಗೆ "ಪ್ರೀತಿಯ " ಶ್ರುತಿ  ಸೇರಿ  . . . ಅನುರಾಗ ಅರಳಿತು 

ಕನಸುಗಳ ಆಶಾಗೋಪುರ ಇಂದು ನನಸಾಯಿತು  

ಕಣ್ಣರಳಿದಾಗ , ಕಣ್ -ಹೊರಳಿದಾಗ 

ಮಿನುಗುತಿದೆ ನಿನ್ನ ಬಿಂಬ  

ನನ್ನೀ ಒಲವ ಪರದೆಯಲಿ 

ಕಾಣಿಸದೇ ನಿನಗೀಗ  ನಿನ್ನದೇ ಪ್ರತಿಬಿಂಬ ?

  ಪುಳುಕದ ಆಲಿಂಗನ , ಝಲ್ಲೆನಿಸಿದೆ  ತನು-ಮನ

ಒಲವ  ಆ ಚುಂಬನ , ಮತ್ತೇರಿಸುತಿದೆ ಪ್ರತಿ ಕ್ಷಣ  

  ಈ ನಿನ್ನ ಪ್ರೀತಿಯೇ  ಚೇತನವು ನನಗೆ

ಆಶಯವು ಒಂದೇ, 

ಬೆಳಗುತಿರಲಿ ಎಂದೆಂದೂ  ನಮ್ಮೀ  ಒಲವ ಹಣತೆ . . . . 

-ಪ್ರಜ್ಞಮಾಲಾ