ನಾನು -ಆನು -ತಾನು

ನಾನು -ಆನು -ತಾನು

ನಾನು -ಆನು -ತಾನು 

       ಹಿತವರಾರು ಇವರಲಿ ?

               ಮಿತವರಾರು ಇವರಲಿ ?

      ಸ್ಥಿರವರಾರು ಇವರಲಿ ? 

                      ಸ್ಥಿತವರಾರು ಇವರಲಿ ?

ಹುಡುಕ ಹೊರಟರೆ ಜೋಕೆ 

ಹೊತ್ತು ನಗುವುದು ಮುಖವಾಡಗಳ ನಿನ್ನ  ಬಿಂಬವು  . . .

ನುಲಿಯುತಾ ಇರಿಯುವಳು  ನಿನ್ನ ಆ  ಬೆಡಗಿ  "ನೆರಳು" 

"ಮರುಳ" ! ಅರಿತುಕೋ ಇಲ್ಲಿ ನಿನಗೆ ನೀನೇ  ಶತ್ರುವು 

ಆರು -ಮೂರರ  ಜಾಗದಲಿ ,

ಜಗದ ಸತ್ಯವೇ ಇಹುದು ನೋಡು 

ಬೇಡಿದರೂ , ಬಿಕ್ಕಿದರೂ 

ಮನ್ನಿಸದು ಬೆಳಕಿನ ಒಂದಿನಿತು ಕಿರಣ 

ಇಣುಕಿದಷ್ಟೂ ಶೂನ್ಯ ,

ಜಗ್ಗಿದಷ್ಟೂ ಕತ್ತಲೆಯ ಕಡಿವಾಣ ... 

ಒಪ್ಪಿ - ಅಪ್ಪಿದರೆ ಇದುವೇ   ಶಯನ 

ಮುಂದಿನ ಪಯಣದ ನಿರ್ಮಾಣ 

ನಾಳೆಯ ಅನಂತಕೆ ಇದುವೇ ನಿರ್ವಾಣ . . .  

ಜೀವನದ ಅಸ್ತಕೆ ,  ಹಾದಿ ಬಲು ದೂರ  

ವ್ಯಕ್ತಿಗಳ - ವಸ್ತುಗಳ ಬೇಧವ ಅರಿತು ,

ಕರ್ತುವಿನ  ಕಾರ್ಯಗಳ ಋಣದಲಿ ಬೆರೆತು   

ವ್ಯಕ್ತಿಯ ಪ್ರೀತಿಸಿ , ಕರ್ತುವ ನಂಬಿ 

ದಾಟಿಕೋ  ಈ ಯಾನವ,

ಮುಗಿಸು ನಿನ್ನ ಒಂದು "ಸಣ್ಣ" ಪಯಣ ,

 ಭವಸಾಗರವು ಇದು ಬಿಡಲೊಲ್ಲದು ನಿನ್ನ 
ಆರಂಭಿಸುವುದು ಮತ್ತೊಂದು ನವೀನ ಪಯಣ 

ಜೀವನಚಕ್ರವು  ಇಲ್ಲಿ ನಿತ್ಯ ಚಲನವು ,

ಆದಿ - ಅಂತ್ಯಗಳೇ ಇಲ್ಲಿ ಶಾಶ್ವತವು. . . 

-ಪ್ರಜ್ಞಮಾಲಾ