ಮೌನ
ಮೌನ ,ಅಗಣಿತ ಭಾವಗಳ ಬಿಂಬವು
ನುಡಿಯದ ಸಾವಿರ ಪದಗಳ ಸ್ವರವು
ಮೌನ, ನಾಚಿ ತೋರುವ ಸಮ್ಮತಿಯು
ತಿರಸ್ಕಾರವ ಬಂಧಿಸುವ ಸಂಕೋಲೆಯು
ಮೌನ , ಎದೆತಟ್ಟಿ ಬೀಗುವ ಹೆಮ್ಮೆಯು
ಜಿಗುಪ್ಸೆ , ಕಪಟಗಳ ಮರೆಯಾಗಿಸುವ ತೆರೆಯು
ಮೌನ , ಮನವ ರಂಗೇರಿಸುವ ಖುಷಿಯು
ಮಡುಗಟ್ಟಿದ ದುಃಖವು
ಮೌನ , ಶಾಂತ ನಿರಾಕಾರ ಸ್ವರೂಪವು
ಕುದಿಯುವ ಕೋಪವು - ಜ್ವಾಲಾಗ್ನಿಯು
ಮೌನ, ಕಗ್ಗತ್ತಲೆಯ ಕೂಪಕೆ ತಳ್ಳುವ ಕ್ರೂರಿಯು
ಒಂಟಿತನವ ಅಂಟಿಸುವ ವೈರಿಯು
ಮೌನ, ಏಕಾಂತದಲಿ ಮೂಡುವ ಆಶಾಕಿರಣವು
ನಿರಾಸೆಯಲಿ ಮೂಡುವ ಸ್ಫೂರ್ತಿ , ನವಚೈತನ್ಯವು
ಮೌನ ವರ್ಣಿಸಲು ಅತೀತ . . .
ಸಾಗರಕಿಂತ ಆಳ. . .
ಮೌನ ಕಹಿಯು,
ನೈಜವು ,
ಗೌಪ್ಯವು
ಮೌನ ಅನುಭವವು . . . ಅನುಭಾವವು
ಮೌನ ಸುಂದರ , ಸುಗುಣ , ರಮ್ಯವು
-ಪ್ರಜ್ಞಮಾಲಾ
0 comments:
Post a Comment