ನನ್ನ ಅಜ್ಜ

ನನ್ನ ಅಜ್ಜ 

ಬಹಳ ವರುಷಗಳ ಹಿಂದೆ , ಎಂದೋ ಬರೆದ ಈ ಕವನದ ಸಾಲುಗಳು . . .  ಇಂದು ಕೈಸೇರಿದಾಗ ಮನದ ಅಂಗಳದಲಿ ಖುಷಿಯ ಕುಸುಮ ಅರಳಿಸಿತು 

ಮಮತೆಯ ಮಡಿಲಲಿ ಆಡಿಸಿ ನನ್ನ 

ಪ್ರೀತಿಯ ತುತ್ತನು ಉಣಿಸಿದರು 

ಮಲಗಲು ಮಡಿಲನು, ನಡೆಯಲು ಕೈಯನ್ನು ,

ಒಲವಿನ ಗೂಡಲಿ  ಬೆಳೆಸಿದರು 

ಹಠವನು ಮಾಡಲು ಬುದ್ಧಿಯ ತಿಳಿಸಿ 

ಗಣಿತ- ಕನ್ನಡಗಳ ಕಲಿಸಿದರು

ಅಂಗಳದಲ್ಲಿನ ಆ ಜೂಟ್-ಆಟ , ಗದ್ದೆಯ ಬಯಲಿನ ಆ ಸುತ್ತಾಟ 
ಸಮುದ್ರ ದಡದಲಿನ  ಆ ಹುಚ್ಚಾಟ 
ಬಾಲ್ಯಕೆ ಸೊಗಸಿನ ಅನುಭಗಳ ತುಂಬಿದರು 

ಶಿಸ್ತಿನ ಗುರುವಾಗಿ , ಗದರುತಾ -ತಿದ್ದುತಾ 

ಗೆಲುವನು ಸಾಧಿಸೆ ಅಕ್ಕರೆಯಿಂದಲಿ 

ಒಲವಿನ ಅಪ್ಪುಗೆ ನೀಡಿದರು

ಯಾರಿವರು ? ಯಾರಿವರು ?

ಇವರೇ ನನ್ನಜ್ಜ ನೀಲಕಂಠ ಮಾಸ್ತರರು 

-ಪ್ರಜ್ಞಮಾಲಾ