ಪ್ರೇಮ್ -ಕಹಾನಿ
ಪ್ರೀತಿಯ ತಂತಿಯು ಮೀಟಿಹುದು ಮತ್ತೆ ಈಗ ,
ಒಲವ ಶ್ರುತಿಕೆ ಲಯ ಸೇರಿತು ಈಗ...
ಮೌನದಲೇ ಹೂತ್ತಿದ್ದ ಭಾವಗಳಿಗೆ ಸ್ವರವಾದೆ ನೀನು ,
"ಭೂತ"ವಾಗಿ ಕಾಡಿದ್ದ ನೆನಪುಗಳು ಸಮಾಧಿಯಾದವು
ಕಿಚ್ಚೆಬ್ಬಿಸಿದ್ದ ಬಿರುಗಾಳಿಯು ಶಾಂತವಾಯಿತು ನಿನ್ನ ಸಾಂಗತ್ಯದಿಂದ ...
ಜಡ್ಡುಗಟ್ಟಿದ ಮನವು ಮಿಡಿಯುತಿದೆ ನಿನ್ನ ಸ್ಪರ್ಶ ಮಾತ್ರದಿಂದ,
ಕಡು-ಕಹಿಯ ನೀಗಿಸಿದೆ ನಿನ್ನ ಒಲವ ಪೀಯೂಷದಿಂದ
ಬಾಳ ನೀಲ-ನಭದಲಿ ಮಿನುಗುತಿಹುದು ಧ್ರುವ ತಾರೆ ನಿನ್ನಿಂದ,
ಬಾಡಿಹೋದ ಜೀವನದಿಯು ಸ್ಫುರಿಸಿಹುದು ಮತ್ತೆ ನಿನ್ನಿಂದ
ಹನಿ-ಹನಿಯಾಗಿ ಮುದ ತರುತಿಹುದು ಒಲವ ವರುಷ ನಿನ್ನ ಆಗಮನದಿಂದ ...
ಹನಿ-ಹನಿಯಾಗಿ ಮುದ ತರುತಿಹುದು ಒಲವ ವರುಷ ನಿನ್ನ ಆಗಮನದಿಂದ ...
ಈ ಬೆಳದಿಂಗಳಲಿ...
ನಿನ್ನ ಜೊತೆಯಲಿ ,
ತುಡಿಯುತಿಹುದು ನಿನಗಾಗೇ ,ಕಲ್ಲಾದ ಈ ಹೃದಯ ...
ಸಖನೇ ,
ನೀನೇ ಆದಿ , ನೀನೇ ಅಂತ್ಯ ,ನೀನೇ ಉಸಿರು
ನನ್ನ ಪ್ರೇಮ್ -ಕಹಾನಿಗೆ ಸದಾ ...
-ಪ್ರಜ್ಞಮಾಲಾ