ವಿಧಿ

ವಿಧಿ 

ವಿಧಿಗೆ ಋಣದ ಕಡಿವಾಣ ಇಹುದು ,

ಋಣಕೆ ವಿಧಿಯ ಸೆಳೆತವಿಹುದು

ಕೇಳಿ , ಹೇಳಿ , ಹಿಡಿದು ಜಗ್ಗಿದರೂ ...

ಮೌನ ತೆಳೆದು , ಮುನಿದು ದೂಡಿದರೂ ...

ಒಲಿಸಿ, ಆಲಿಸಿ, ಪಾಲಿಸಿ ಬಯಸಿದರೂ

ಕೂಗಿ ಕರೆದು , ದೈನ್ಯದಿ ಬೇಡಿದರೂ

ಇರುವುದರ ಬಿಟ್ಟು , ಇರದುದರೆಡೆಗೆ ತುಡಿದರೂ

ಆಸೆ - ನಿರಾಸೆ -ದುರಾಸೆಗಳ ಮೋಹದಲಿ ಸಿಲುಕಿದರೂ

ಪಾಲಿಗೆ ಸಿಗುವುದು ವಿಧಿ ಲಿಖಿತವು ,

ಅದೃಷ್ಟ  ಒಮ್ಮೆಯಾದರೆ , ಮಗದೊಮ್ಮೆ ದುರ್ಭಾಗ್ಯವು

ಈ ಕಾಲನು ಮಾಂತ್ರಿಕನು , ವಿಧಿಯೇ   ಆತನ ಮಾಯಾಜಾಲವು 

ಪೀಡಿಸುತಾ - ತಿಳಿಸುವ ಆತನೇ ನಕ್ಷತ್ರಿಕನು , ನಮ್ಮ ಪರೀಕ್ಷಕನು

ನಾವೆಲ್ಲರೂ ಆತನ ಕೈಗೊಂಬೆಗಳು

-ಪ್ರಜ್ಞಮಾಲಾ