ಬೇಕು - ಬೇಡಗಳ ದ್ವಂದ್ವದಲ್ಲೇ
ಬಿದ್ದೆ ನಾ ನಿನ್ನ ಬಲೆಗೆ ...
ಕಗ್ಗಂಟಾಗಿರುವ ನನ್ನೀ ಬದುಕಿಗೆ
ವಿಷವು ನಿನ್ನೀ ಸಲುಗೆ ...
ತೊರೆದು ಹೋಗು ಗೆಳೆಯನೇ,
ಇದುವೇ ನನ್ನ ಮನದ ಬೇಡುಗೆ ...

ಆದರೆ........

ಶಕ್ತಳೇ ನಾ ಸಹಿಸಲು ,
ಆ ವಿರಹದ ವೇದನೆ .....
ತಿಳಿಸಲಿ ಹೇಗೆ ಗೆಳೆಯ ನಿನಗೆ ,
ನನ್ನೀ ಮೂಕ  ಮನದ ರೋದನೆ....

ಒಲವ ಐಸಿರಿ

ಒಲವ ಐಸಿರಿ 

ಕಣ್-ತಣಿಸುತಿಹುದು ನಿನ್ನ 

ಮುಗ್ಧ ಮೊಗ ಸಿರಿ .....

ನಿದಿರೆಯಲೂ ಅರಳಿಹುದು ಚೆಲುವ 

ನಿನ್ನ ನಗುವಿನ ಸಿರಿ .....

ನಿನ್ನೀ ಕನಸುಗಳ ಬಾನಂಗಳದಲಿ, 

ನಾ ನಲಿಯುತಿರಲು...

ಇನಿಯನೇ,

ಅದುವೇ ನನ್ನ ಒಲವಿಗೆ ಐಸಿರಿ :)

-ಪ್ರಜ್ಞಮಾಲಾ 

ಪ್ರೀತಿ : "ಪ್ರೀತಿ" ನಿರ್ವಿಕಾರವೂ ಹೌದು, ಸಾಕಾರ-ಸ್ವರೂಪವೂ ಹೌದು .ಇದರ ಅರ್ಥ ಅರಿತವರೆಷ್ಟೋ .....ಅರಿಯದೆ ಕೈಚೆಲ್ಲಿದವರೆಷ್ಟೋ ...

ಪ್ರೀತಿ ...
ಮಮತೆಯ ಮಿಡಿತವೂ ಹೌದು, 
ಒಲವಿನ ತುಡಿತವೂ ಹೌದು

ಪ್ರೀತಿ ...
ಸಹನೆಯೂ ಹೌದು , ಉತ್ಸಾಹವೂ ಹೌದು,
ಮೌನವೂ ಹೌದು , ಸಂವಾದವೂ ಹೌದು .....

ಪ್ರೀತಿ ...
ನಗುವಿನ ಚಿಲುಮೆಯೂ ಹೌದು, ದುಃಖದ ಕಡಲೂ ಹೌದು,
ಭಾವಗಳ ಸಮ್ಮಿಲನವೂ ಹೌದು, ವಿರಹದ ಬೇಗುದಿಯೂ ಹೌದು...

ಪ್ರೀತಿ... 
ಮಧುರವೂ ಹೌದು , ಭೀಕರವೂ ಹೌದು,
ಕನಸುಗಳ ಸಿಹಿಯೂ ಹೌದು, ನನಸುಗಳ ಕಹಿಯೂ ಹೌದು ....

ಪ್ರೀತಿ ...
ಇದರ  ಅರ್ಥ ಅರಿತವರಾರು?
ಇದರ ನಶೆಯ ಸವಿಯದೆ ಇರದವರಾರು ?...