"ಅನುರಾಗ" : ನಾವು ಪ್ರೀತಿಸುವ ಹೃದಯ ನಮ್ಮನ್ನು ಅಷ್ಟೇ ತನ್ಮಯತೆಯಿಂದ ಪ್ರೀತಿಸಿದಾಗ .... ನಮ್ಮೆಲ್ಲ ಸೂಕ್ಷ್ಮಭಾವನೆಗಳ -ನಿಗೂಢತೆಯ ರಹಸ್ಯ ಅರಿತಾಗ ಮನಸಿನಲಿ ಮೂಡುವ ಅನುರಾಗ

ನನ್ನಯ ಕಣ್ಣಿನ ಮಿನುಗು ತಾರೆಯು ನೀನು ,
ಭಾವಗಳ ವ್ಯೂಹವ ಭೇದಿಸಿದೆ ನೀನು,

ಚಂಚಲ ಮನದ "ಅಚಲ"ತೆಯು ನೀನು ,

ಹುಸಿಗೋಪದಲಿ ಅಡಗಿರುವ ಮೋಹಕತೆಯು  ನೀನು ,
ಸ್ವಾರ್ಥದ ಮರೆಯಲಿರುವ ಪ್ರೇಮವು ನೀನು ....
ಅರಿತರೂ ಮುಗ್ಧನೂ.... ಬಲು ಜಾಣ ನೀನು

ಅನು"ರಾಗ"ದ ಮಾರ್ದನಿಯು ಇದು ... ಅದೆಷ್ಟು ಮಧುರ...
ರಾಧೆಯು ನಾನಾಗೆ , ಮಾಧವ ನೀನಲ್ಲವೇನು ?