" ನನ್ನವನು "

" ನನ್ನವನು " 

ಪ್ರೀತಿಯ ನಿರಾಸೆಯಲಿ ಬೇಯಲಾರೆ  ಇನ್ನು ....

ಕಾಯ್ದಿರಿಸುವೆನು ಭದ್ರದಲಿ ಹೃದಯದ ಚೂರುಗಳ ನಾನು ,

ಬಂದೇ  ಬರುವನು ಅವನು 

ಚೂರುಗಳ ಇರಿತಕೆ ಇಬ್ಬನಿಯಾಗುವವನು,

ಕಹಿ-ಕದಡಿದ ಮನಕೆ ಸಿಹಿ-ಜೇನ ಲೇಪಿಸುವವನು   

ಬರುವನು ಅವನು ,

ಬಾಡಿ ಹೋದ ಬಯಕೆಗಳ  ಚೇತನವಾಗುವವನು

ನೊಂದ ಮನಕೆ ನಂಬುಗೆಯ  ಶಾಕವಾಗುವವನು

ದಿಗ್ಗೆಡಿಸುವ ಕತ್ತಲಲಿ  ಬೆಳದಿಂಗಳಾಗುವವನು

ಬಾಳ ಪಟದಲಿ ನವ್ಯ ಕನಸುಗಳ ಬಿತ್ತುವವನು  

ಬರುವನು ಅವನು  

 ಭುಗಿಲೆದ್ದ  ಎಕಾಂತಕೆ ಅಂತ್ಯ  ಹಾಡುವನು

ಪ್ರೀತಿಯ  ಪಸರಿಸಿ , ಮನವ ಬೆಳಗುವ  ಪ್ರಭೆಯಾಗುವನು   

ಕಣ್ಣೀರ  ಮುತ್ತಾಗಿಸಿ , 

ಮನವ ಖಗವಾಗಿಸಿ 

ನವೋಲ್ಲಾಸಗಳ  ಸ್ಫುರಿಸುವನು 

ಬಂದೇ  ಬರುವನು 

ನನ್ನ ಪುರುಶೋತ್ತಮನು