ಪ್ರೇಮಸುಧೆ

ಇಂದು ನನಗೇನಾಗಿದೆ,

ಮನಸು ನಿನ್ನೆಡೆಗೆ ಓಡುತಿದೆ ...

ಸ್ನಿಗ್ಧ , ಸುಂದರ ನಗುವ ಕಂಡು ,

ಹೃದಯ ಕಮಲ ಅರಳಿ ನಗುತಿದೆ 

ಕಣ್ಣೋಟದ ಮಿಂಚು ಸುಳಿದು    

ಕನಸೊಂದು  ಮುತ್ತಾಗಿ ಹೊಳೆದಿದೆ ...

ನಿನ್ನ ಮೋಹ ಮಾಯೆಗೆ 

ಮನ ಪತಂಗವಾಗಿ ನಲಿದಿದೆ ...

ಇನಿತು ಚಿಂತೆ ಇರದೇ  ,

ದುಂಬಿಯಾಗಿ  ಮನ ನಿನ್ನ ಸವಿಯ ಬಯಸಿದೆ...

ಚಿರನೂತನ  ಈ  ಅನುಭಾವಕೆ,

ಮನವು  ಹಗುರವಾಗಿದೆ, ಹರುಷಗೊಂಡಿದೆ  ...

ಅಂತರಂಗದಲ್ಲಿ ನಿನ್ನ ಭಾವ ಲೀನವಾಗಿದೆ...
ಪ್ರೇಮಸುಧೆಯ ಭಾವಗೀತೆ , 

 ರಮ್ಯಗಾನವ ನಿನಗೆಂದೇ  ಉಲಿಯುತಲಿದೆ ...