ಹಿಮ ಕರಗಿದ ಬಳಿಕ

ಹಿಮ ಕರಗಿದ ಬಳಿಕ

ಹಕ್ಕಿಯ ಇಂಚರದಲ್ಲಿ, 

ನೇಸರನ ಕೆಂಪಿನಲ್ಲಿ ,  

ಹಿಮದ ತಂಪಿನಲ್ಲಿ 

ನಿನ್ನ ನೆನಪುಗಳು ನನ್ನ ಅಪ್ಪಿಹುದು ಗೆಳೆಯ 

ಬಾಳಲಿ  ಪ್ರೀತಿಯ ಮಾಧುರ್ಯವ 

ತುಂಬಿದವ ನೀನೇ  ಇನಿಯ 

ಕನಸುಗಳ ಬಳ್ಳಿ ಮುರುಟಿತು ಹೇಗೋ   

ಕಳೆದು ಹೋದೆ ನೀನು ,ಮರೆಯಾದೆ ನೀನು... 

ಒಲವ  ಜ್ವಾಲೆಯ ನಿರಂತರ ಉರಿಸಿಹೆನು ನಾನು

ಮೇಣದಂತೆ  ಕರಗುತಿಹೆನು  ನಾನು

ಪ್ರೀತಿಯ ಅಮಿತ ಹಿತವ   

ನಿನಗಾಗೆ ಕಾಯ್ದಿರಿಸಿಹೆನು  ನಾನು  

ಮನಸು ಕರಗದೆ ನಿನಗೆ ?
ನೆನಪುಗಳು ಕಾಡದೆ ನಿನಗೆ ?

ಕಂಡರೂ ಕಾಣದಂತೆ ,

ನಿರ್ಜೀವ ಕೊರಡಾಗಿಹೆ ಏಕೋ ...

ನೀ ಹೀಗೇಕೋ ?....

ಹಿಮ ಕರಗಿದ ಬಳಿಕ ...
ಕತ್ತಲು ಕವಿದ ಬಳಿಕ ..

ಕಾಲ ನಿಂತ ಬಳಿಕ ...

ತೋರುವೆ ಯಾರಿಗೆ  ಆ ಪ್ರೀತಿಯ ಹೇಳು,

ಸಮಯ ನಶಿಸಿದ ಬಳಿಕ ...?