ನಂಬಿಕೆ

"ನಂಬಿಕೆ" 

- ಇದೊಂದು ಮಾಯಾಜಿಂಕೆ !

ಕೆಲವೊಮ್ಮೆ ಆಸರೆಯು ,

ಮಗದೊಮ್ಮೆ ನಿರಾಸೆಯ ಮಹಾಪೂರವು . . .

" ನಂಬಿಕೆ "- ಇದೊಂದು ನೇಗಿಲು !

ಹಿಂಜರಿಯೆ  ಹೊರೆಯು ,

ಬೆವರೆ  ಚಿನ್ನದ ಬೆಳೆ ಯು

 "ನಂಬಿಕೆ" - ಇದೊಂದು ಮಾಯೆಯು !

ಇಳೆಯ ಸಿಂಗರಿಸುವ ಮೋಡಗಳ ಸಾಲು -

ಇಳಿದು ಬಾರೆ ಮುಂಗಾರು ,

ಮುನಿದು ದೂರ ಸರಿಯೆ - ಬರಡಾಗಿಸುವ ಬರವು . . . 

"ನಂಬಿಕೆ" 

- ವಿಶ್ವಾಸದ ಪಲ್ಲಂಗವೂ ,

-ದ್ರೋಹದ ಮುಳ್ಳು 

"ನಂಬಿಕೆ" 

- ದೈವವೂ  , ಮಾರಿಯೂ. . . 

"ನಂಬಿಕೆ" 

-ಅನುಭವವೂ  , ಅನುಭೂತಿಯೂ  . . .

"ನಂಬಿಕೆ"
-ವಾಸ್ತವವೂ , ಭ್ರಮೆಯೂ . . .

-ಪ್ರಜ್ಞಮಾಲಾ