ನೀನ್ಯಾರೋ

ನೀನ್ಯಾರೋ

ಮನವು ಜಾರಿತು ಮೌನವಾಗಿ,

ನಿನ್ನ ನಗುವ - ಮೋಡಿ ನೋಡಿ 

ಮಾತು ಕರಗಿ, ಮೌನಳಾದೆ ,

ನಿನ್ನ ಕಂಚಿನ ದನಿಯ ಕೇಳಿ  

ನಿನ್ನ ನೋಟದ ಮತ್ತು ಏರಿ ,

ವಿಧಿಯೇ ಇಲ್ಲದಂತೆಯಾಗಿ ...

ಹೆಜ್ಜೆ ಗುರುತ ದಿಟ್ಟಿಸುತಲಿರುವೆ   ,

ಕಾಯುತಿರುವೆ ನಿನ್ನದೇ  ದಾರಿ  . . .

ಬಿಡಿಸಿದಷ್ಟೂ ಒಗಟು ನೀನು ,

ವಿಸ್ಮಯಗಳ ಸುಳಿ-ಮಿಂಚು  ನೀನು ,

ಮರೀಚಿಕೆಯೋ , ಧ್ರುವ ತಾರೆಯೋ  . . .

ಏನೆಂದು ತಿಳಿಯಲಿ ನಿನ್ನ ನಾನು !!! 

ಪೀಡಿಸುತಿರುವೆ ಯಾಕೋ ಹೀಗೆ ... ?

ಹುಚ್ಚು ಹಿಡಿಸಿ ಮಾಯವಾದ,

ಸ್ವಪ್ನ-ನಗರಿಯಲ್ಲೇ ವಿಹರಿಸುವ 

ನೀಲಿ ಕಂಗಳ ,

ಆ ನನ್ನ ನಲ್ಲ ನೀನಲ್ಲವೇನು ?