ಎಂದು ಬರುವೆಯೋ ನೀನು ? . . .
ಮುಂಜಾವಿನ ಇಬ್ಬನಿಯಲಿ ,
ನೇಸರನ ಆ ಮೊದಲ ಕಿರಣದಲಿ ,
ನಿನ್ನ ನೆನಪು ಮನವ ಅಪ್ಪುವುದು . . .
ತಣ್ಣನೆಯ ಗಾಳಿಯಲಿ ,
ಮಳೆಯ ಆ ಮೊದಲ ಹನಿಯಲಿ ,
ನಿನ್ನ ಸಿಹಿ-ನಗು ನಿನಾದಿಸುವುದು . . .
ಸುಡು -ಬಿಸಿಲಿನ ಬೇಗೆಯಲಿ ,
ದಾಹವ ತಣಿಸುವ ಆ ನೆರಳಲಿ ,
ನಿನ್ನ ಆರೈಕೆಯ ಸೆಳೆತ ಕಾಡುವುದು . . .
ಏಕಾಂತದ ಶೀತಲ ಈ ಅಪ್ಪುಗೆಯಲಿ ,
ನನಸಾಗಲು ಕಾಯುತಿರುವ
ಅಗಣಿತ, ಅನನ್ಯ ಕನಸುಗಳಲಿ . . .
ನಿನ್ನ ಬರುವಿಕೆಯ ನಿರೀಕ್ಷೆ ,
ಮನಕೆ ಜೋಗುಳ ಹಾಡುತಿಹುದು . . .
ಎಂದು ಬರುವೆಯೋ ನೀನು . . . ,
ನನ್ನ ಶ್ರೇಯದಲಿ ಜೊತೆಯಾಗಿ,
ನಿನ್ನೇಳ್ಗೆಯಲಿ ನನ್ನ ಪಾಲು ಸೇರಿಸಿ,
ಬಾಳ ಹಸನಾಗಿಸುವೆ ನೀನು . . .
ಕಾಯುತಾ ...ಕುಳಿತಿರುವೆ ನಾನು . . .
-ಪ್ರಜ್ಞಮಾಲಾ
0 comments:
Post a Comment