ಪ್ರೀತಿ : "ಪ್ರೀತಿ" ನಿರ್ವಿಕಾರವೂ ಹೌದು, ಸಾಕಾರ-ಸ್ವರೂಪವೂ ಹೌದು .ಇದರ ಅರ್ಥ ಅರಿತವರೆಷ್ಟೋ .....ಅರಿಯದೆ ಕೈಚೆಲ್ಲಿದವರೆಷ್ಟೋ ...

ಪ್ರೀತಿ ...
ಮಮತೆಯ ಮಿಡಿತವೂ ಹೌದು, 
ಒಲವಿನ ತುಡಿತವೂ ಹೌದು

ಪ್ರೀತಿ ...
ಸಹನೆಯೂ ಹೌದು , ಉತ್ಸಾಹವೂ ಹೌದು,
ಮೌನವೂ ಹೌದು , ಸಂವಾದವೂ ಹೌದು .....

ಪ್ರೀತಿ ...
ನಗುವಿನ ಚಿಲುಮೆಯೂ ಹೌದು, ದುಃಖದ ಕಡಲೂ ಹೌದು,
ಭಾವಗಳ ಸಮ್ಮಿಲನವೂ ಹೌದು, ವಿರಹದ ಬೇಗುದಿಯೂ ಹೌದು...

ಪ್ರೀತಿ... 
ಮಧುರವೂ ಹೌದು , ಭೀಕರವೂ ಹೌದು,
ಕನಸುಗಳ ಸಿಹಿಯೂ ಹೌದು, ನನಸುಗಳ ಕಹಿಯೂ ಹೌದು ....

ಪ್ರೀತಿ ...
ಇದರ  ಅರ್ಥ ಅರಿತವರಾರು?
ಇದರ ನಶೆಯ ಸವಿಯದೆ ಇರದವರಾರು ?...