"ಬಿನ್ನಹ" : ಸ್ನೇಹ - ಪ್ರೀತಿಯ ಆರೈಕೆಯಲಿ ಬೆಳೆಯಲು ಸಾಧ್ಯವೇ ?... ಈ ದ್ವಂದ್ವದ ಸುಳಿಯಲ್ಲಿ ಸಿಲುಕಿರುವ ಮನದ ಬಿನ್ನಹ

ಓಡುತಿರುವೆ ನಾ ದೂರ ನಿನ್ನಿಂದ
ಆ ನೋಟ , ಆ ನಗು, ಆ ಮಾತು , ಆ ಕನಸು
ಅಳಿಸಿಹಾಕುತಿರುವೆ ಈ ಮನದಿಂದ
ಆದರೂ . . .ಹೀಗೇಕೆ . . .
ಪೀಡಿಸುತಿರುವೆ  ಮತ್ತೇರಿಸುವ  ಕಂಗಳಿಂದ
ಕಾಡುತಿರುವೆ ಆ ಒಲ್ಮೆಯ ನುಡಿಗಳಿಂದ
ಜೊತೆಯಲಿರುವೆ ಮಧುರ ಬಾಂಧವ್ಯದಿಂದ...

ನಿನ್ನ ಸಾನಿಧ್ಯದ ಸಿಹಿ
ವಿಷವಾಗುತಿದೆ ನನಗಿನ್ನು. . .
ನಿನ್ನ ಸ್ನೇಹದ ಮರೆಯಲ್ಲಿ ,
 ನನ್ನೀ  ಪ್ರೀತಿಯ ಅಡಗಿಸಲಾರೆ  ನಾ ಇನ್ನು..

ಭಾವಗಳ ಬದಿಗೊತ್ತಿ ,
ನಟಿಸಲಾರೆ ನಾ   ಇನ್ನು . . .
ಕಲ್ಲಾಗಿಸಲಿ ಹೇಗೆ  ಈ ಮನವ ನಾ ಇನ್ನು...

ಪಾರಾಗಲಿ ಹೇಗೆ ಈ  ಮೋಹ-ಜಾಲದಿಂದ,
ತಿಳಿಸು ನೀನೇ ಇನ್ನು ...
                                                                               -ಪ್ರಜ್ಞಮಾಲಾ