ಒಲವು ದ್ವೇಷದ ಕಿಡಿಯ ಕಾರಿದಾಗ ........!!!

  "ಹಿತ" ವೆನಿಸಿತ್ತು ಒಮ್ಮೆ  ನಿನ್ನ ಸಾಂಗತ್ಯ,

ಅದೇ ಇಂದು  ನನ್ನನ್ನು "ಹಿಂಸಿ"ಸುತಿದೆ ....
"ಪ್ರಿಯ" ವೆನಿಸಿತ್ತು  ನಿನ್ನ ಮುಂಗೋಪ ,
ಇಂದೇಕೆ ನನ್ನ ಜರಿಯುವ ಬೆಂಕಿಯಾಗಿದೆ ?.....
"ಮುದ" ನೀಡುತ್ತಿದ್ದ  ನಿನ್ನ ಚೇಷ್ಟೆ ,
ಇಂದು ಅಂಕುಶವಾಗಿ ತಿವಿಯುತಿದೆ ....
ಆ ಕಂಗಳ "ಅನುರಕ್ತಿ" ,
ಇಂದೇಕೆ ದ್ವೇಷದ ಕಿಡಿಯ ಕಾರುತಿದೆ? ...
ಮಾತಿನ ಸುರಿಮಳೆಯಲಿ ಮುಗುಳ್ನಗುತ್ತಿದ್ದ ಆ ವದನ  ,
ಇಂದೇಕೆ ನನ್ನ ಮೌನವನು ಬಯಸುತಿದೆ ?  .....
ಸಾಮಿಪ್ಯ ಬಯಸಿದ್ದ ಆ ಒಲವ ಹೃದಯ ,
ಇಂದೇಕೆ " ಅಂತರ "ಗಳ ಬೆಳೆಸುತಿದೆ ....?

ನಿನ್ನಯ ಈ ಆಟಕೆ,
ಕಾಲನ ನಿಕಷಕೆ,
ಮನ ಮೂಕ-ವೇದನೆಗೆ ಶರಣಾಗಿದೆ ..
ಆದರೂ ಏಕೋ .....
ಮನದ ಜಾತಕ ಪಕ್ಷಿ ,ಒಲವ ವರುಣನ ನಿರೀಕ್ಷೆಯಲ್ಲಿದೆ ...