" ವಿಯೋಗ " : ಶರಧಿಯು(ಸಮುದ್ರ) ಕೂಡ ಚಂದಿರನ ವಿರಹ-ವೇದನೆ ಅನುಭವಿಸುವಳೇ. . . ?

ವಿಯೋಗ

ಶರಧಿಯ ಸಮ್ಮುದದ ಮಡಿಲು
ಪ್ರೀತಿ ಉಕ್ಕಿಸುವುದ ಕಂಡಿದ್ದೆ ನಾನಂದು

ಸುಧಾಂಶುವಿನ ಜೊತೆಗೂಡಿ ಮಾಯದ ಮೋಹಜಾಲದಲ್ಲಿ
ಬೀಳಿಸುವುದ ಕಂಡಿದ್ದೆ ನಾನಂದು
ಇಂದು ಗೋಚರವಾಯಿತು ನೀರಧಿಯ
"ವಿರಹ"ದ ವಿಭಿನ್ನ ರೂಪ
ಆಕೆಯಲಿ ಕಂಡೆ ಮೀರಾ-ರಾಧೆಯರ ಪ್ರತಿರೂಪ
ಶಶಿಯ ಸಾಮಿಪ್ಯ ಸಿಗದೇ ,
ಸಾನಿಧ್ಯದಲ್ಲೇ ತೃಪ್ತಳಾಗಿ
ನಿತ್ಯ ನೋವನುಂಗುವ ಲಹರಿಯ ಲೀನ ರೂಪ,
ಹುಣ್ಣಿಮೆಗಳಲಿ ಮನದುಂಬಿ ಹರ್ಷಿಸುವ
ಸಲಿಲೆಯ ಅನುರಕ್ತಿಯ ಅನನ್ಯ ಪ್ರತಿರೂಪ

ತನ್ನ ಒಡಲ ಕಂದಮ್ಮಗಳ ಸಂತೈಸುವ ಆಕೆಯ ಮಾತೃ ರೂಪ

                                                                                          -ಪ್ರಜ್ಞಮಾಲಾ