" ಬದುಕಿನ ರೂಢಿ " : ಸಮಾಜ ನಮ್ಮ ತಪ್ಪನ್ನು ಮೂದಲಿಸಿ ತಿದ್ದುವುದಾದರೂ ಹಲವಾರು ಬಾರಿ ನಮ್ಮ ಏಳ್ಗೆ ಸಹಿಸಲಾರದೆ ಕೊಂಕು ನುಡಿಯುವುದು ,ಒಮ್ಮೊಮ್ಮೆ ಹೀನಾಯ ಸ್ಥಿತಿಗೆ ದೂಡಿ ಹಿಂಸಿಸಿ ಕಾಡುವುದು. ಲೋಕದ ನೀತಿ-ರೀತಿ ಹೀಗೇಕೆ?

ಮೇಲೇಳಬಯಸಿದರೆ,

ಕಾಲೆಳೆಯುವವರೆಷ್ಟೋ. . .

ಬಿರುನುಡಿಯುವವರೆಷ್ಟೋ . . .

ಮೂಗು ಮುರಿಯುವವರೆಷ್ಟೋ . . .

ಮನಬಿಚ್ಚಿ ಹೊಗಳುವವರೆಷ್ಟೋ . . .

ಅದೇ ಕೆಳಗುರುಳಿದರೆ,

ತುಳಿಯುವವರೆಷ್ಟೋ. . .

ತೆಗಳುವವರೆಷ್ಟೋ . . .

ಹೀಯಾಳಿಸುವವರೆಷ್ಟೋ. . .

ನಿರ್ಲಕ್ಷಿಸುವವರೆಷ್ಟೋ . . .

ಬದಲೇ ಆಗದ ಸಮಾಜದ

ನಿಲುವು "ಹೀಗೇಕೆ" ?

ಲೋಕದ ಪರಿ ಇಂತೇಕೆ ? 

                                       -ಪ್ರಜ್ಞಮಾಲಾ