"ಬಯಕೆ"
ಬಯಸಿದೆ ನಿನ್ನ ಒಂದಿಷ್ಟು ಸಮಯವ
ನನ್ನ ಮಾತುಗಳಿಗೆ ಕಿವಿಗೊಡುತ್ತಾ ,
ತನ್ನ ಭಾವನೆಗಳ ಹಂಚಿಕೊಳ್ಳುವ ಸಹೃದಯವ
ಸಂತಸದಲಿ ವಾಸ್ತವ ತೋರುತ ಜೊತೆಯಾಗುವ ಗೆಳೆಯನಿಗೆ
ದುಃಖದಲಿ ದೀವಿಗೆಯಾಗಿ ಸಂತೈಸುವ ಆಪ್ತ ನುಡಿಗಳಿಗೆ
"ನಿನ್ನ ಜೊತೆಗಿರುವೆ" ಎಂಬ ವಿಶ್ವಾಸದ ಮುಗುಳ್ನಗೆಗೆ
ಅತಿಯಾಯಿತೇ ನನ್ನ ಈ ಬಯಕೆ ?
ಅನರ್ಹಳಾದೆನೇ ನಿನ್ನ ಸಾಂಗತ್ಯಕೆ ?
ಮೌಲ್ಯವಿಲ್ಲವಾಯಿತೇ ನಿನಗಾಗಿ ಮಿಡಿಯುವ ನನ್ನೀ ಹೃದಯಕೆ?
ಭಾವನೆಗಳ ಧಿಕ್ಕರಿಸಿ ದೂರಾದೆ ಹೀಗೇಕೆ?
ನಿರ್ಲಿಪ್ತ-ಮೌನದಲಿ ಕೊಲ್ಲುತಿರುವೆ ನೀನೇಕೆ?
-ಪ್ರಜ್ಞಮಾಲಾ
0 comments:
Post a Comment