"ಏಕಾಂಗಿ " : ಬಯಸದೆ ಬಂದ "ಒಂಟಿತನ"ವು ಸಮಯದ ಆರೈಕೆಯಲಿ, ಆಪ್ತರ ಪ್ರೀತಿಯಲಿ ಬಯಸಿ ತರುವ ಏಕಾಂತವಾಗಬಹುದಲ್ಲವೆ?
ಆ ಕಾಲವೊಂದಿತ್ತು ಗೆಳೆಯ
ನೀನಿಲ್ಲದ ಬದುಕು ಬರಡೆನಿಸುತ್ತಿತ್ತು
ನಿಶ್ಚೇತನವೆನಿಸುತ್ತಿತ್ತು
"ಒಂಟಿ"ತನ ಕಾಡುತ್ತಿತ್ತು
ಬಾಳೇ ವ್ಯರ್ಥವೆನಿಸಿತ್ತು. . .
ಕಾಲ ಜಾರಿತು ಹೇಗೋ
ಚಿಗುರಿದೆ ಬರಡಾದ ಈ ಒಡೆದ ಹೃದಯದಲಿ
ನವೋಲ್ಲಾಸ
ಎಚ್ಚೆತ್ತಿದೆ ಕರ್ತವ್ಯಭಾವ, ಆತ್ಮಸ್ಥೈರ್ಯ
ಈಗಲೂ ನೀನಿಲ್ಲದೆ "ಏಕಾಂಗಿ" ನಾನು
ಆದರೂ ಸಾಗುತಿದೆ ಬದುಕು ಹೀಗೆ...
ನವಚೇತನದಲಿ , ನನ್ನವರ ಪ್ರೀತಿಯಲಿ ...
ಕಾಲದ ಶೀತಲ ಆರೈಕೆಯಲಿ
-ಪ್ರಜ್ಞಮಾಲಾ
0 comments:
Post a Comment