"ಅಹಂಕೃತಿ" : ಆತ್ಮಾಭಿಮಾನ, ಸ್ವಾವಲಂಬನೆ, ಸ್ವಪ್ರೇರಣೆಗಳು ಅವಶ್ಯ, ಆದರೆ ಅದೇ ಸ್ವಪ್ರತಿಷ್ಠೆ ,ಸ್ವಾರ್ಥಗಳಾಗಿ ಪರಿವರ್ತಿತವಾದರೆ. . . ??? "ನಾನು, ನನ್ನದು " ಎಂಬುದು "ನಾವು,ನಮ್ಮದು " ಎಂಬ ಪ್ರಜ್ಞೆಯನ್ನು ಒಳಗೊಂಡಿದ್ದರೆ ಅಹಂ ಭಾವ ವರವಾಗುವುದಂತು ನಿಜ . ಆದರೆ ,ಎಲ್ಲೆಗಳು ಮೀರಿ.. ಕೇವಲ "ನಾನೇ , ನನ್ನದೇ " ಎಂಬ ದುರಹಂಕಾರ ಭಾವಗಳು ಹೆಚ್ಚಾದಂತೆ ,ಮನುಷ್ಯ ಸಮಾಜದಲ್ಲಿ ಮೆರೆದರೂ, ತನ್ನವರ ಬಾಂಧವ್ಯದಿಂದ ದೂರವಾಗುತ್ತಾನೆ, ವಿನಾಶದ ಕಡೆಗೆ ಸಾಗುತ್ತಾನೆ ..ಅಲ್ಲವೇ?

ಮನದ ತುಂಬಾ ಅಹಂಕಾರ
ಅಹಂಕಾರದೊಳಗೆ  ಮತ್ಸರ 
ಮತ್ಸರದಿಂದ ಕಳವಳ
ಕಳವಳದಿಂದ ವೈಸಿಕ
ಒಟ್ಟಾಗಿ ಸೇರಿದೊಡೆ
ಆಗುವುದು ವಿನಾಶಕ

ಸೌಮ್ಯತೆಯ ಬಿರಿದು,
ಕ್ರೌರ್ಯತೆಯು ಹರಿದು
ತಾಂಡವವಾಡುತಾ ಕ್ಷಯಿಸುವುದು  ಅರಿವಿನ ಶರ
ಹರಿಸುವುದು ಹಗೆಯ ಮಹಾಪೂರ

ಮಸ್ತಕದ ಕೋಟೆಯು ಕುಸಿದು  , 
ಅಸತ್ಯ, ಅಪಾರ್ಥಗಳು ಬಿರಿದು
ಹೊರಹೊಮ್ಮುವುದು ಅಟ್ಟಹಾಸದ  ಜ್ವಾಲಾಗ್ನಿ

ಮನಗಳ ಒಡೆಯುತಾ, ಬಾಂಧವ್ಯಗಳ ಮುರಿಯುತಾ,
ನೂಕುವುದು ವ್ಯಸನಿಯನು,
ಜವನ  ಜಾಲಕೆ  , ಮೃತ್ಯುವಿನ ಕೂಪಕೆ . . .
                                                                  -ಪ್ರಜ್ಞಮಾಲಾ