"ಇಂತೇಕೆ ?" : ಸ್ನೇಹ ದ್ವೇಷವಾದಾಗ ... ಪ್ರೀತಿಸಿದ ಮನಸು ಹಗೆಯ ಮಹಾಪೂರ ಹರಿಸಿದಾಗ ... ...

ಆಗುವುದು ಹೀಗೇಕೆ?
ಕಾಲ-ಕಾಲಕ್ಕೆ ಬದಲಾಗುವುದು ಸಂಬಂಧದ ಎಳೆ ಇಂತೇಕೆ  ?. . .

ಆತ್ಮೀಯ ಅಯನದಲಿ,
ನಲ್ಮೆಯ ಪಯಣದಲಿ,
ಮಾತುಗಳೇ ಮಧುವಾಗಿ
ಬಂಧಿಸುವುದು ಸ್ನೇಹದ ನಂಟಿನಲಿ. . .

ಋತುಚಕ್ರ ಉರುಳುತಲಿ,
ಕಾಲನ ಸೆಣೆಸಾಟದಲಿ
ಹುಟ್ಟುವುದು ಹೇಗೆ ಈ ಮುಯ್ಯಿ ? . . .

ಕುತಂತ್ರದ ಜಾಲದಲಿ,
ವೈಸಿಕತೆಯ ಕಾವಿನಲಿ,
ಮಾತುಗಳೇ ಅಸ್ತ್ರವಾಗಿ
ಬಂಧಿಸುವುದು ದ್ವೇಷದ ಕಗ್ಗಂಟಿನಲಿ. . .

 

"ಬಯಸಿ ಬರುವ ಮಿತೃತ್ವದ ಸೆಲೆ ,
ಕೊನೆಗಾಗುವುದು ಶಬರನ ಬಲೆ "
ನೀವಾದರೂ ಹೇಳಬಲ್ಲಿರಾ ಹೀಗೇಕೆ ?
ಕೆಲವರ ಪರಿ ಇಂತೇಕೆ . . .?
                                                              -ಪ್ರಜ್ಞಮಾಲಾ